вторник, 18 февраля 2014 г.




 ყველა ცოცხალ არსებას ესაჭიროება საკვების მიღება,რათა ორგანიზმი მომარაგდეს საშენი მასალითა და ენერგიით. რა თქმა უნდა საკვები არსებობს როგორც სასარგებლო,ისე მავნე. ადამიანი უნდა იკვებოს ჯანსაღად,რისი არსიც მდგომარეობს შემდეგში : პროდუქტი უნდა იყოს მრავალფეროვანი, რაციონი ბალანსირებული და ჩვენთვისვე ხელსაყრელია იყოს იაფი.რაციონალური კვება უმნიშვნელოვანესი პირობაა ჯანმრთელობის შენარჩუნების, ადამიანის ორგანიზმის ზრდისა და განვითარებისათვის,აგრეთვე, საშუალებას გვაძლევს თავიდან ავიცილოთ ან შევამციროთ ქრონიკული დაავადებების რისკი, შევინარჩუნოთ ჯანმრთელობა და მიმზიდველი გარეგნობა, დავრჩეთ მოხდენილები და გამოვიყურებოდეთ ახალგაზრდულად.
კვების სრულფასოვნება მნიშვნელოვანწილად განისაზღვრება რაციონის ბალანსირებულობით ისეთი საკვები ნივთიერებების მიხედვით როგორიცაა: ცილები, ცხიმები, ნახშირწყლები, ვიტამინები და მინერალური ნივთიერებები.
ცილები - "აგურებია", რომლისაგანაც შენდება ორგანიზმი და სიცოცხლისათვის ყველა აუცილებელი ნივთიერებები: ჰორმონები, ფერმენტები, ვიტამინები და სხვა სასარგებლო ნივთიერებები.
ცხიმები ორგანიზმს უზრუნველყოფენ ენერგიით, ცხიმში ხსნადი ვიტამინებით და სხვა სასარგებლო ნივთიერებებით.
ნახშირწყლები სიცოცხლისათვის აუცილებელი ენერგიის ძირითადი წყაროა.
საკვები ბოჭკოები - ხელს უწყობს საჭმლის კარგად მონელებასა და შეთვისებას, აუცილებელია გულ-სისხლძარღვთა დაავადებებისა და კიბოს პროფილაქტიკისათვის.
მინერალური ნივთიერებები და ვიტამინები უზრუნველყოფენ ნივთიერებეთა ცვლის პროცესებსა და საერთოდ, ორგანიზმის ნორმალურ ფუნქციონირებას.
   

როგორ ვიკვებოთ სწორად?

 

ბალანსირებული რაციონი - ეს არის პროდუქტების მიღება ოპტიმალური თანაფარდობით, რომლის თანამედროვე მოდელს პირამიდის სახე აქვს და მასზე ორიენტაციით თქვენ შეგიძლიათ შეადგინოთ ყოველდღიური ბალანსირებული რაციონი:
პირამიდის ფუძე          - პური, მარცვლეული და კარტოფილი (6-11 ერთ. დღეში);
შემდეგი I საფეხური    ­ ბოსტნეული და ხილი (5-8 ერთ. დღეში);
შემდეგი II საფეხური   - რძის პროდუქტები (რძე, იოგურტი, ყველი 2-3 ერთ. დღეში),
                                            ასევე ხორცი, ფრინველი, თევზი, პარკოსნები, კვერცხი და
                                            ნიგოზი (2-3 ერთ. დღეში);
პირამიდის მწვერვალი - ცხიმები, ზეთები (იშვიათად. 2-3 ერთ. დღეში), აგრეთვე
                                ალკოჰოლი და ტკბილეული (ეპიზოდურად, 2-3 ერთ. დღეში).

ყველა პროდუქტი იყოფა ექვს ძირითად ჯგუფად:
1.       პური, ბურღულეული, მაკარონის ნაწარმი, ბრინჯი და კარტოფილი;
2.       ბოსტნეული და ხილი;
3.   ხორცი, ფრინველი, თევზი, პარკოსნები, კვერცხი და ნიგოზი;
4.  რძე, კეფირი, იოგურტი, ხაჭო, ყველი;
5.   ცხიმები, ზეთები;
6.  პროდუქტები, რომელთა მიღება უნდა შეიზღუდოს. უფრთხილდით მათ!
პროდუქტების ყოველი ჯგუფიდან ულუფების შემოთავაზებული რაოდენობის (პირობითი ერთეულები) მოხმარებისას თქვენ შეგიძლიათ დარწმუნებული იყოთ, რომ დღის განმავლობაში სავსებით უზრუნველყავით ორგანიზმის მოთხოვნილებები ყველა აუცილებელი საკვები ნივთიერებების საკმარისი რაოდენობით.
1 და 2 ჯგუფის პროდუქტები, რომლებიც საკვები რაციონის საფუძველს წარმოადგენენ, ყველაზე სასარგებლოა თქვენი ჯანმრთელობისათვის და ხელს უშლიან გულ-სისხლძარღვთა დაავადებებისა და კიბოს განვითარებას.
  სწორ კვებასთან ერთად უპრიანია სრულფასოვანი ჯანსაღი ცხოვრების წესი. როგროც მინიმუმ,სახლის პირობებში ვარჯიში.ამ დროს ჩვენ ჯანმრთელობასთან ერთად ვუზრუნველყოფთ ჩვენი გარეგნობის სრულყოფილებას.
 იმისათვის,რომ თავი ავარიდოთ ორგანიზმის დაბინძურებას ,უნდა ვიცოდეთ თუ რომელი საკვები შეიცავს მავნე ნივთიერებებს. ჩვენ 21-ე საუკუნეში ვცხოვრობთ. ეს ის პერიოდია,როდესაც გენმოდიფიცირებული საკვები ჩვენი ყოველდღიური ცხოვრების განუყოფელი ნაწილია.მიუხედავად იმისა რომ სასიამოვნოა საჭმელად,უნდა მოვერიდოთ მის ხშირ მიღებას.

        გენმოდიფიცირებული საკვები მიიღება ხელოვნურად შექმნილი თესლებისგან, რომლებიც შეიცავენ თანამედროვე ბიოტექნოლოგიების გამოყენებით მიღებულ გენომს. ეს უკანასკნელი ზრდის მოსავლის რაოდენობასა და ზომას. მიღებული პროდუქტი თითქმის არ შეიცავს ვიტამინებს.